Марий Элыште идалык мучаш марте 1200 наре студентым да школышто тунемшым подработкыш налшаш улыт

Марий Элыште подростко-влакым жаплан пашаш пуртымо шотышто кампаний умбакыже шуйна. Идалык мучаш марте ик тӱжемат 200 наре студентым да школышто тунемшым подработкыш налшаш улыт. Тиде – кеҥежым шке вий дене оксам ыштен налаш йӧн гына огыл, тыгак ончыкылык карьерыш инвестиций. Мутлан, «Ола» организацийыштат тунемше-влак пашам ыштат. Нуно Йошкар-Олам тӱзатат: пеледышым ончат, парк ден скверлаште, уремлаште арулыкым тергат. Паша кече 7 шагат эрдене тӱҥалеш да 11 шагатлан пыта.