Марий Эл ТВ: Курыкмарий драме театрын артистше-влак премьерылан ямдылалтыт

Курыкмарий драме театрын артистше-влак у премьерылан ямдылалтыт. Андрей Ивановын «Божьи одуванчики» пьесыжым лудмаш кая. Тиде икымше этап гына. Роль-влакым шеледеныт. Режиссёр Александр Тарасов дене пырля вашталтмаш-влакымат пуртат. Роль-влакым лончылат. Тений Курыкмарий драме театрыште кок у спектакльын премьерыже эртен. А «Божьи одуванчики» постановко – кумшо лиеш. Тудым июнь мучашыште сдатлышаш улыт. Курыкмарий драме театр режиссёр Александр Тарасов дене пеҥыде кылым куча.