Наив, наивное искусство, йоча койышан сымыктыш. Лач тыге Озаҥ оласе сӱретче Гульнара Шакирован творчествыж нерген ойлаш лиеш. Тудын пашаже-влакым Козьмодемьянскысе Остап Бендер лӱмеш сатир да юмор тоштерыште ончыктымо. Ончерже тыгак маналтеш: «Не наивно о Наиве». Тиде выставкым Марий Элын 105 ияш лӱмгечыжлан да кок республике, Марий Эл ден Татарстан коклаште сай усталык кыл улмылан пӧлеклыме. Гульнара Шакирова профессионал сӱретче огыл.