Марий Эл гыч делегаций научно-филологический конференцийыш ушна

Марий Эл гыч шымлызе-влак Санкт-Петербург кугыжаныш университетыште эртаралтше Л.А. Вербицкая лӱмеш LIV Тӱнямбалысе научный филологический конференцийыш ушнат. Тушто «Уралистика» секций ден «Финн-угроведений кызытсе Российыште: йӱла, образований да науко гоч вияҥмаш» йыргешке ӱстел пашам ышташ тӱҥалыт. Нуно Российысе финн-угровед комитетын 55 ий теммыжлан пӧлеклалтыныт. Научный форум 24 гыч 30 март йотке шуйна. Марий Эл гыч ныл йылмызе ушна: Российысе финн-угровед комитетын председательже Олег Сергеев, филологий науко доктор Любовь Абукаева, филологий науко кандидат Валерий Максимов, филологий науко кандидат, В.М. Васильев лӱмеш Марий шымлыше институтын директоржо Людмила Григорьева. Марий Элын делегатше-влак дене Лира Матвеева вашлийын.