Курыкмарий драме театр «Йошкар-Ола театральная» фестивальыш Н. Лесковын «Левша» пьесыже почеш шындыме спектакльым аклаш конден

«Йошкар-Ола театральная» фестиваль умбакыже шуйна. Шке усталык пашаж дене Курыкмарий драме театр палдарен. Театрын коллективше кажне ийын премьер постановко-влакым конда. Тиде гана руш писатель Николай Лесковын «Левша» пьесыже почеш шындыме  спектакльым ончыктеныт. Тудын премьерыже Чыкма олаште, Яков Эшпай лӱмеш калык тӱвыра полатыште ӱмаште лийын. А ынде «Левша» спектакльым Йошкар-Олаште илыше-влакат ужын да аклен кертыныт. Темым Надежда Пекасова шуя.