Йошкар-Олаште «Все для Победы! МарГУ: связь поколений» лӱман кумшо тӱнямбал форум эртен

«Чылажат сеҥымашлан». Йошкар-Олаште «Все для Победы! МарГУ: связь поколений» лӱман 3-шо тӱнямбал форум эртен. Тудым «Без срока давности» шанче-просветительский  проект кышкарыште чумыреныт. Патриот сынан вашлиймаш Российысе калык-влакын икоян улмо идалыклан пӧлеклалтын. Российын ик эн тӱҥ задачыже – элнан чын историйжым пужен вашталташ пуаш огыл,  шарнымашым арален кодаш. Форумын тӱҥ амалже – эртыше да кызытсе жапын кылже: Кугу Ачамланде сарын да Специальный сарзе операцийын. СВО боец-влакын граждан илышыш пӧртылмыштлан посна тӱткыш ойыралтын. Российын геройжо Анатолий Иванов шке примерже дене ончыктен, кузе сар деч вара ешыш пӧртылаш. Кызыт Кужэҥер районын талешкыже психологлан тунемеш. Ончыкыжым боец-влаклан адаптацийым эрташ полшаш тӱҥалеш.