Регионыштына Россий кӱкшытан «Безопасное колесо» конкурсын тапырже эртен

Самырык инспектор-влак шке вийыштым тергеныт. Регионыштына Россий кӱкшытан «Безопасное колесо» конкурсын тапырже эртен. Оласе школлаште тунемше-влак 31-ше номеран школышко погыненыт. Конкурс чылаже 23 команде, 90 утла тунемшым чумырен. Ныл еҥ гыч шогышо команде-влак теорий да практике шинчымашыштым тергеныт. Кажне участник велосипед, электросамокат дене кудалыштме корно правилым палымыжым веле огыл, тыгак практикыште тудым кучылтын моштымыжым ончыктен. Нунылан лӱмын келыштарыме автогородокым ыштеныт. Технический этап деч посна команде-влак усталык номерым ончыктеныт. Тудо Российысе кугыжаныш автоинспекцийын 90 ияш лӱмгечыжлан пӧлеклалтын.