Марий КВН – Калтасаште. Эртыше арнян Башкортостан Республик Калтаса селаште икымше гана Марий КВН эртен. Ӱмаште тӱрло кундем гыч чолга марий-влак погынен, Республикысе Марий тӱвыра рӱдер пелен «Весела кӱдыр» клубым шочыктеныт. Тиде клуб весела модмашым шошым Пошкырт кундем Калтасаште да шыжым Шернурышто эртараш палемден. Модмашке Йошкар-Ола гыч «ЛуКА», Морко гыч «Ӧлӧҥгӧ» да Пошкырт кундем гыч «Тинь-Минь» команде-влак ушненыт.