Шке элетым палет? Марий Эл угыч «Кугу этнографий диктант» акцийыш ушнен. 11-ше тӱнямбал сотемдарыме акций «Народов много – страна одна!» лозунг почеш эртаралтын да Российыште илыше калык-влакын икоян улмо идалыкыштлан пӧлеклалтын. Мемнан кундемыштына тиде акций 7 кумдыкышто эртен. Эн тӱҥ площадкылан С. Чавайн лӱмеш калыкле книгагудо шотлалтеш. Тушко мемнан съёмочный группына миен.