Шочмо кундемым моктен, тудын деке йӧратымаш кумылыштым ончыктеныт. Марий Эл Республикын кечыже вашеш В. Колумб лӱмеш йоча ден самырык-влаклан книгагудышто «Мый йӧратем родной элемым» поро йӱлаш пурышо республик кӱкшытан конкурс эртен. Тушко 140 наре талантан йоча погынен. Конкурс йочасадыш коштшо икшыве-влакым, школлаште тунемше, колледж да темникумышто шинчымашым погышо студент-влакым чумырен.