Православий вера почеш, у ийыш тошкалынна. Черке йӱлам кучышо-влакын у ий 14-ше сентябрь гыч тӱҥалеш. Тиде кечылаште Марий Элысе храмла мучко Мироносицкий крестный ход эрта. Тудо 19-ше сентябрьыште Ежовышто мучашлалтеш. Черке у ий тӱҥалмылан Йошкар-Олан да Марий кундемын епархийыштыже погынымаш эрта. Тушто кодшо ийысе пашам иктешлат. Тачысе кече марте мом ыштыме нерген доклад-влакым колыштыт. Священник ден прихожан-влак пырля погынен, паша, социальный да просветительский службо нерген ойлат.