Кремлевский уремысе 25-ше номеран пӧртын пырдыжыштыже Российын калык сӱретчыже Зосим Лаврентьевым шарныме лӱмеш мемориал оҥгам почыныт. Таклан огыл тидлан 16-шо сентябрьым ойыреныт. Тиде кечын, куд ий ончыч, лӱмлӧ сӱретче Зосим Лаврентьев илыш дене чеверласен. Марий калыкын талантан мастаржым шарналташ тудын  родо-тукымжо, йолташыже, мер пашаеҥ-влак погыненыт.