Марий Элыште сайлымаш тӱҥалын. Регионлаште Кугыжаныш Думыш депутат-влакым сайлат. Тыгак муниципал кӱкшытыштӧ депутат-влакым ойырат. Марий Эл Вуйлатыше Юрий Зайцев ик эн ончыч шке йӱкшым пуэн. Тудо Мер-политик рӱдерыште верланыше сайлымаш участкыш миен. Тыгак ончыкылык верч Марий Эл Кугыжаныш Погынын председательже Михаил Васютин йӱклен. Тудат шке участкыштыже элна ончылно порысшым шуктен.