Эн уста да эн чолга-влаклан – Олык Ипай лӱмеш премий. Могай проект-влак тений таҥасаш тӱҥалыт, кӧмыт кугыжаныш премийлан темлалтыныт? Тидым Виктер пӧртыштӧ эртыше заседанийыште каҥашеныт. 2026 ийыште премийлан чылаже 53 еҥ деч 43 йодмаш толын. Сылнымут, сымыктыш да архитектур аланыште – 12 произведений; шанче, технике да производствышто – 15 паша; социал-кӱлешан, мер пашаште – 16 проект.