Олык Ипай лӱмеш Кугыжаныш премий верч таҥасымаш кая

Олык Ипай лӱмеш премийын лауреатше-влак ешаралтыт. Марий йылмым, марий тӱвыра ден йӱлам аралымылан, наукым вияҥдымылан – кугыжаныш премий. Усталык шӱлышан, талантан самырык-влак коклаште Олык Ипай лӱмеш Кугыжаныш премийлан таҥасымаш кая. Конкурс кок ийлан ик гана эртаралтеш. Конкурсант-влак шке пашаштым самырык-влак полатыште аралат. Актёр, шанчыеҥ, журналист, инженер-влак жюри ончылно ыштыме пашаштын кӱлешлыкыштым да пайдаштым пеҥгыдемдат.