Марий йӱла: образ Бога в марийских песнях.

Шымакш –ожно годсо марий ӱдырамашын вуйчемже. Южо еҥ тыге палемда: шымакшым чийымеке, вуй корштымым чарна, молан манаш гын, тиде вуйчемын аралтыш вийже кугу. Тыгак шымакшым шке тукым дечын ӧрдыжкӧ пуэн огытыл, кажне ӱдырамаш шкаланже лӱмден тудым тӱрлен.

 

Марий вургем тӱр поянлыкше дене ойыртемалтеш. Тӱрсуретым ожнысек  аралтыш семын ыштеныт, пӧръеҥын, ӱдырамашын, йочан вургемыштыже тӱр тӱрлӧ лийын. Тидым кугезына-влак паленыт да шот дене эскерыныт.

 

Марий кечышот радамыште теле, шошо, кеҥеж, шыже пагытысе пайрем-влак ойыртамылтыт. Икмыняр ий марий пайрем-влакым иктеш чумырен, календарьым савыктат. Республикысе рӱдо юмыйула ушем марий кечышотым 10 ий утла луктеш.

 

Марий-влак тӱрлӧ кундемлыште илат. Йылме, тӱвыра, тыгак йӱла мемнам уша. Вес регионлаште илыше-влак дене кылым пеҥгыдемдаш тӱрлӧ вашлиймаш-влак полшат. Марий Элысе онаеҥ, тоштер пашаеҥ-влак октябрь тӱҥалтыште Татарстан, Удмуртий, Башкортостан республикыла, тыгак Свердловский областьыште лийыныт, онаеҥ-влак дене вашлийын, кумалтышке ушненыт, а шанчызе-влак ото-влакым шымленыт. Таче «Марий йула» рубрике тиде проектлан пӧлеклалтеш.

 

 

Шыжым Марий-влак Угинде пайремым эртарат. Ты пайремын тӱҥ шонымашыже у кинде лектышым налаш йӧным ыштыше Юмылан тауштымаш, ончыкыжымат у куат дене, у шонымаш дене тыгак таза уш-акыл дене илыш йӧным йодмаш. «Марий Йӱла» рубрикыште шанчызе - Ольга Александровна Калинина пайремын ойыртемже нерген умылтара. 

Шыже- марий айдемын йывыртыме жапше. Кеҥеж тургым, шыже нур паша шенгелан кодмеке, калыкна юмылан таушта, отышко лектеш.   Тений шыже кумалтыш радам 21 сентябрьыште почылтеш. «Марий йӱла» рубрикыштына Йошкар-Оласе «марий кумалтыш»   общинын тӱҥ онаеҥже Юрий Дмитриевич Тушнурцев радамын тидын нерген умылтара. 

«Марий йӱла» рубрикыште шанчызе Любовь Абукаеван умылтарымашыжым, пашажым колышташ темлена. Таче тудо Марий калык мутышо «Юмо» мутын верже да тудын вашлийлтмыже нерген умылтара. Ик арня гыч Юмо мутым шанчызе-влак мутерыште кузе ончыктат да могай муткылдышлаште тудо аралалтеш, пален налыда. 

Туге гынат, Юлсер кундемыште марий йӱлам вораҥдарен да вияҥдан колташ шонышо-влак улыт. Нунын гыч иктыже - онаеҥ Аркадий Федоров. Тудо Волжский районышто марий йӱлам аралыме нерген «Марий йӱла» рубрикыште палдара. 

Юлсер кундемыште Сӱрем пайремым палемденыт. Тачысе кечын тиде пайрем радам кузе аралатын кодын, могай йӱлам верысе калык шукта? Тидын нерген «Марий йӱла» рубрикыште Волжский район гыч онаеҥ Аракадий Федоров палдара.