Марий йӱлан кызытсе жапше да ончыкылыкшо. Лачак тыгай теме дене йылмым, литературым да историйым шымлыше марий шанче институтышто российысе конференций эртен. Элнан 11 регионжо гыч онаеҥ, шымлызе, педагог, аспирант, тоштер да мер пашаеҥ-влак погыненыт.
Валериан Васильев лӱмеш шанче-шымлыше институтшыто марий йӱлам шымлыме шотышто шанче конференций почылтын. Тушко Башкортостан, Татарстан да Удмуртий республикыла, Марий Эл гыч педагог, аспирант, тоштер, шанче, мер пашаеҥ-влак, онаеҥ-шамыч чумыргеныт. Пленарный заседанийыште шанчызе-влак марий йӱла дене кылдалтше доклад-влакым лудыныт. Тиде мутлан, кокла курымлаште марий-влакын тойымо да тоштыеҥым уштымо йӱла, тыгак марий кумалтыш мут текст-влакын аудиокорпусшо, Удмрутийыште илыше марий-влакын шнуй верышт нерген. Шанчызе-влак дене пырля конференцийын пашашкыже мер пашаеҥ, онаеҥ-влак ушненыт.
Республикысе талантан йоча-влаклан усталык школ. 3 гыч 10 июнь марте Палантай лӱмеш тӱвыра да сымыктыш колледж пелен Калыкле сымыктыш гимназийыште кеҥежымсе усталык мастерской пашам ышта. Туныктымо форумын иктешлымашыже – Российын кечыжлан пӧлеклалтше кугу концерт. Хор, оркестр, чылаже 400 утла йоча ик сценышке лекташ ямдылалтеш.
Российын Федерацийын тӱрлымӧ картыже ямде. Тудын презенатцийже Российын кечыже вашеш, 10 июньышто икымше гана Чуваший республикыште лиеш. Ты проектышке элнан чыла гаяк регионжо ушнен. Кумданрак черетан материалыште.
Праздничный концерт по заявкам телезрителей.
Праздничный концерт по заявкам телезрителей.
Шочмо йылмын ямже | выпуск 20. О научных трудах ученого Гурия Кармазина.
Йошкар-Оласе тунемше-влак кеҥежым веселан да пайдалын эртарат. Рӱдолаште илыше 14 гыч 18 ияш марте икшыве-влак каныш пагытлан пашам кычалыт да шкалан ешартыш оксам ыштат. Ломоносов лӱмеш лицейыште кугурак класслаште тунемше-влак кум арнялан школысо лагерь пелен вожатый лийыныт. Офицал паша дене пырля нуно икымше пашадарым налыт.
Историйыште чапланыше марий паркым пӧртылтат. Тиде кумдык 2023 ийыште тӱзатышаш кумдык-влак радамыште «Оласе йӧнан среда» программе дене келшышышын чыла кумдыкым ончылтен. Йӱклымашке 40 тӱжем наре еҥ ушнен. Эн шуко йӱкым Марий парк поген - 4 тӱжем утла. Сомбатхей микрорайонышто парк чыла шотыштат йӧнан лийшаш: машинам шогалташ парковко, мотор пӱртӱс да кумда вер. Ончыкылык Марий парк илалше-влаклан каналташ, самырык тукымлан жапым пайдалын эртараш почылтеш.
Республике ятыр туристым вашалиеш. Кодшо ийын 450 тӱжем наре еҥ турист семын толын. Тений пандемий дене кылдалтше чарымаш-влакым кораҥдымеке, турист-влак эшеат шукырак лийшаш улыт. Уна-влак гыч 20 процентше Козьмодемьянскын сылне верлажым ончаш толыт. Юл эҥер серыште верланыше олашке еҥ-влак теплоход дене толыт, тыгак тений Нижний Новгород гыч «Валдлай» судно дене толаш тӱҥалыныт. Турист-влак Козьмодемьянскыште марий тӱвырам, историй-художественный тоштерым ончат, тыгак Кава йымалсе этнографий тоштерыштат уна лийыт.
