Республикысе курчак театр у виктышыште пашам ышташ тӱҥалын. Тиде – бэби-театр. Тудо 10 тылзаш изи ньога гыч тӱҥалын 4 ияш марте йоча-влак келыштаралтеш. Тиде шонымашым илышыш шыҥдараш ик федерал программе почеш ойырымо окса полшен. Театрыште посна залым келыштареныт: у теҥгыл-влакым, йӱк да тул оборудованийым налыныт. Лишыл жапыште ковролиным, тыгак пушкыдо шинчыме верым налыт. Спектакль кайме жапыште ӱдыр-рвезе-влак зал мучко нушкын, модын, тыгак сӱретлен кертыт.

Марий Эл Российысе кугу акцийыш ушнен. «Россий Федерацийын тӱрлымӧ картыже» проект почеш марий кундемын картыжым тӱрлен ончыктышаш улыт. Ты пашам лӱмлӧ тӱрлызӧ-влак шукташ тӱҥалыт. Кызыт акцийлан ямдылалтме паша кая. Ты сомыллан Республикысе калык усталык рӱдер вуйын шога.

Эн сай тоштер пашаеҥ-влак Т. Евсеев лӱмеш калыкле тоштерыште тыршат. Тидым «Марий Эл Республикысе эн сай тоштер да тоштер пашаеҥ» конкурс пеҥгыдемден.  Индеш сеҥыше кокла гыч 5-же Калыкле тоштер гыч улыт.  Конкурсышто ойыртемалтше икмыняр участник дене мемнан съемочный группына вашлийын.

13 январь - Российысе печать кече. Шукертак  журналистикым  «нылымше кучем» маныт. Вет ты аланыште тыршыше-влак тӱрлӧ пӱсӧ йодышым рашемдаш полшат. Поро йӱла почеш, тиде кечын журналистикыште ойыртемалтше пашаеҥ-влакым палемдат.

Идалык наре шуйнышо проектым иктешлен. «Сокыр-влакын Российысе ушемын» Йошкар-Оласе пӧлкаже ӱмаште «Самостоятельность – путь к успеху» проект дене президент грантым сеҥен. Тудын кышкарыште сокыр але начарын ужшо еҥ-влакым мӧҥгысӧ прибор да телефон дене пайдаланаш, коммунал услуго йотке шке гыч тӱлаш туныктеныт.

Шочмо йылмын ямже | выпуск 4

Михаил Мурашко угыч йолташыже-влакым ужеш. Йошкар-Ола йулаш пурышо, куштышо коллектив-влакым пырля чумырышо пайремлан ямдылалтеш. Тунямбал фестиваль тений 31март гыч  гыч 3 апрель марте лиеш.  Кумдан палыме хореограф Михаил Мурашко тений 10-шо фестивальым эртара. Тушко лумло ен шке йолташыж ден коллегыжым, куштызо ден хореограф-влакым чумыра. Тенийсе пайрем лӱмлӧ еҥын 80 ияш юбилейжылан пӧлеклалтеш.     

2022 ий – Российыште илыше калык-влакын тӱвыра поянлыкыштын идалыкше. Келшыше документыш кидпалыжым Владимир Путин пыштен. Тудын тӱҥ шонымашыже – кугу элыштына илыше чыла калыкын сымыктышыжым умбакыжат шараш да вияҥдаш, калык йӱлам, историй да тӱвыра памятник-влакым переген кодаш. Идалык жапыште мо ышталтшаш? Тидын нерген – сюжетыште.