Рубрика «Культурная афиша» на 24 - 30 июля
- Дата: 19:11, 23-07-2020
- Просмотров: 639
Марий Элысе Тазалык аралтыш министерствын палдарымыж почеш 23 июль эрлан республикысе инфекций пӧлкалашке 41 еҥым пыштыме, 44 еным мҥӧнгышт колтымо.
Волжск оласе кудывече кумдыкышто 2 у йоча площадкым ыштыме. Кокымшо У да Юбилейный урем-влакын кумдыкыштышт верысе инициатив полшымо дене кудывече кумдыкым саемдыме. Ты проектым илышыш шыҥдараш Марий Элын бюджетше гыч оксам ойырымо.
Мари-Турек кундемыште илыше-влаклан увер. Эрла 24 июльышто Российысе пенсий фондын Марий Элысе пӧлка вуйлатышыже Владимир Орехов Мари-Турек посёлкышто граждан-влак дене вашлиймашым эртара.
Марий Эл Республик мучко «Лӱдыкшыдымӧ йоча пагыт» лӱман проект тӱҥалеш. 28 июль гыч мемнан кундемна Россий кӱкшытысо «детство без опасности» туныктыш программе дек ушна. Тиде программе йоча-влакым транспортышто чын коштыкташ туныкта.
Теҥгече коронавирус чер шарлымым чактарыме дене кылдалтше оперштабын черетан погынымашыже лийын. Тудым Марий Эл вуйлатыше Александр Евстифеев вӱден. Туныктыш министр Наталья Адамова да виктер вуйлатышын икымше алмаштышыже Михаил Васютин йоча-влакын кеҥежым канышыштым пайдалын эртарыме нерген мутым луктыныт. Тиде погынымашыште кум йоча лагерьым почмо нерген пунчалым луктыныт. Тыге август тылзыште «Радужный», «Кооператор» да Володя Дубинин лӱмеш йоча лагерь-влакым пашам ышташ тӱҥалыт. Нуно чыла санитар нормо дене келшен толыт да йоча-влакым вашлияш ямде улыт. Тидын годымак школ-влак пелен лагерь-влак тений пашам огыт ыште.
Волжск оласе эмлымверыш шӱмым шымлаш манын, УЗИ-комплексым, тыгак лӱмын тренажерым налыныт. Тидын нерген Волжск эмлымверын тӱҥ врачше Дмитрий Фризин увертарен.
Таче да эрла Звенигово районышто полиций пашаеҥ-влак йоча-влакым машинаште кузе коштыктымым тергаш тӱҥалыт, тыгак калыклан йочам машинаште шупшыктымо лӱдыкшыдымылык нерген умылтарат.