17:00, 23-07-2020Волжск оласе эмлымверыш шӱмым шымлаш манын УЗИ-комплекс ден тренажерым налыныт

Волжск оласе эмлымверыш шӱмым шымлаш манын, УЗИ-комплексым, тыгак лӱмын тренажерым налыныт. Тидын нерген Волжск эмлымверын тӱҥ врачше Дмитрий Фризин увертарен. УЗИ-комплекс дене шӱмым эскераш, черлыеҥын вӱргорныжым тергаш лиеш. Тудо 4 миллионат пелыш шуын. А  тренажер айдемылан инсульт деч вара кооординацийым саемдаш, балансым шотыш кондаш полша. Тудо миллион утла теҥгеш шуын. 2 налме аппаратге Вожск оласе эмлымверын первичный вӱргорно пӧлкашкыже вераҥдыме.