В Звенигове экипаж ДПС задержал похитителя конфет
- Дата: 17:18, 25-11-2020
- Просмотров: 684
Марий самырык театр кодшо кечылаште Чебоксар олаште эртыше «Волжская сказка» фествиальышке миен. Тушто артист-влак «Сӧсна поминка деч вара» сатирический комедийым ончыктеныт да 5 диплом дене палемделтаныт. «Эн сай эпизод роль» номинацийыште Зинаида Долговам саламленыт. Жюри шке спецпризшым Александр Кожевников, Игорь Актуганов, Валерий Григорьев да Артем Куклинлан кучыктен.
Коронавирус дене черланыше-влак шукеммылан кӧра, волонтер-влакын пашашт поснак йодмашан. Йошкар-Олаште доброволец-влакын штабышт уэш пашам ышташ тӱҥалын. «Мы вместе» российысе акцийышке ушнен, волонтер-влак илалше еҥ, тазалык дене эмганыше, шагал парышан да шуко шочшан еш-влаклан полшат.
Марий Элыште пытартыш суткаште эше кок еҥ коронавируслан кӧра ӱмыр лугыч лийын. Пандемий тӱҥалтме дечын вара республикыште тиде чер 89 еҥын илышыжым налын. 25 ноябрь эрлан 51 еҥын коронавирус пеҥгыдемдалтын, стационарлашке 151 пыштеныт. Тачылан республикысе 10 инфекционный стационарлаште коронавирус да тудын лийын кертме лӱдыкшӧ дене 1158 еҥ эмлалтеш. Официал увер дене, республикыште черланыше-влакын чотшо 7320 еҥышке шуын.