Лишыл жапыште Волжск оласе 5-ше номеран у школышто икымше йыҥгыр йоҥга. Тидым туныктышо да тунемше-влакат чот вургыжын вучат. Ты марте учреждений 1937 ийыште чоҥымо тошто оралтыште верланен ыле. У корпусым чоҥаш, да тушто 336 верым ышташ «Образований» нацпроект дене 169 миллион тенге ойыралтын. Тиде окса дене школыш у корпусшым нӧлтеныт. Тушто йоҥгыдо кабинет, спортивный да актовый зал, библиотеке, кумда вестибюль улыт. Школышто у оборудований. Тазалык дене эмганыше йоча-влакланат тунемме верым келыштареныт, тушто пандус, санитар зоно, лифт уло. Школын у корпусшым ыштен шуктымеке, тушто школысо историй тоштерым чумыреныт. У тунемме верым пайремлын почмашке регион вуйлатыше Александр Евстифеев миен. Волжск олан мэрын пашажым шуктышо Алексей Веслов дене йошкар тасмам пӱчкын.
Марий Элын вуйлатышыже Александр Евстифеев – Россий Госсоветын еҥже лийын. Шочмын каҥашыше оргнанын структурыжым Владимир Путин пеҥгыдемден. Тудак Госсоветым вуйлата. Кугыжаныш Советын радамыштыже - прмьер-министр, Кугыжаныш Думо да Федераций Советын спикерже, Президентын ӱшанъенже-влак, парламентыште каҥашыше партий-влакын ончылъеҥышт да 26 регионын вуйлатышышт. Нунын коклаште Александр Евстифеев. Госсоветын тӱҥ функцийже-влак - тиде кугыжаныш кучем орган-влакын пашаштым виктарыме, регионлаште да эл-влак дене вашкыл политике, социал-экономике йодыш-влакым рашемдыме дене кылдалтыныт.
