Йӧрыктыдымӧ тул Медведево районышто Карась ер воктене чодыра пожарын амалже лийын. Шуматкечын сосновый бор санаторий воктене утарыше-влак тулазапым йӧртеныт, тыгодым 15 гектар ужар кумдык йӱлен. Тидын дене пырля каныш кечылаште 12 гана кукшо шудым йӱлалтымаш лийын. Утарыше, тулым йӧртышӧ-влак кугу туткарлан шарлаш пуэн огытыл.
Йочасадышке коштшо-влакын выпускнойышкышт ача-ава-влак миен огыт керт. Йошкар-Оласе туныктыш виктемыште тидын нерген палдареныт: 31 май марте Регион вуйлатышын Указше дене келшышын, тӱшка, каныме мероприятий-влакым эртараш чарыме. Россий тӱҥ санитар врачын постановленийже дене келшышын тунемме учрежденийлаште тӱшка мероприятийым эртараш огеш лий. Чыла тидым шотышко налын, йочасадлаште выпускной касыште ача-ава-влак огыт лий.
Угарман деке кайыше корным тӧрлат. 2022 ий мучаш марте Картук-Микряк-Васильсурск автомашина кугорным «Лӱдыкшыдымӧ да сай качестван автомашина корно» национальный проект дене келшышын ышташаш улыт. Тиде корно дене Нижегородский областьышке, тыгак пӱртӱс заповедникышке миен шуаш лиеш. «Лӱдыкшыдымӧ да сай качестван автомашина корно» национальный проект дене келшышын, 2019-2020 ийлаште Курыкмарий районышто 24 километр корным тӧрленыт, а 2024 ий марте чылаже 126 километр корным тӧрлышаш улыт.
Марий Элыште тений корнылаште «лежачий полицейский-влак» шукемыт. Йошкар-Олаште веле огыл, тыгак ялысе, регионысо корнылаштат тыгайым ыштат. Кугыжаныш закупко сайт палдара: тидлан республикыште 12 миллионат 700 тӱжем теҥге ойыралтеш. Корнысо тӧрсырым 10 август марте ыштен шуктышаш улыт. «Лежачий полицейский-влакым» Руэм-Йошкар-Ола, Шойбулак-Цибикунур, Елеево-Марий Турек да моло вереат ыштат.
Йошкар-Олаште ик тылзе наре волонтер-влакын вийышт дене тошто автомашина шине-влакым да электрон техникым погеныт. Акций 16 апрель гыч 16 май марте эртен. Тиде жапыште ятыр еҥ тошто арвержым конден. Тылзе мучаш марте акцийым эртарыше-влак тошто шине-влакым Подмосковьешке колтат. Тушто шӱкым перерабатыватлыше предприятий уло. Резиным кӱртньӧ дечын ойырат, тыгыдемдат, тидын дечын вара резинке пудыргым спорт да йоча площадкылан шартышым ышташ, тыгак леведыш материаллан, битум мастикым ыштымаште кучылташ тӱҥалыт. Тыге пӱртӱс аралалтеш. Ешарыман, автомашина покрышке 100 ий дене мландыште киен да тудым аяртарен кертеш. Погымо тошто электрон техникым Саранскышке переработкышко колтат.
Йошкар-Олаште рӱдӧ паркыште тӱзатыме пашам тӱҥалыныт. «Оласе йӧнан средам ыштымаш» федерал проект дене келшышын паркын кечывалвел-касвел ужашыжым шотышко кондат. Тушто спорт площадкым келыштарат, корнышко асфальтым шарат, теҥгыл да урно-влакым вераҥдат. Тачысе кечын подрядный организаций пашам тӱҥалын, тидлан кӧра, Пушкин урем могырышко тротуарыште жаплан кошташ чарыме. Ешарен кодаш лиеш, 12.gorodsreda.ru сайтыште 2022 ийыште тӱзатышаш кундем-влакым ойырат. Тачысе кечын рӱдӧ олаште илыше-влак гыч утларак еҥ Какшан сер, Прохоров уремыште йолешке-влакын коштмо верышт да Россий Армий тӱвыра полат воктенсе кумдыкым тӱзатыме верч шке йӱкшым пуэн. Проект дене келшышын 30 май марте йӱклымашке лукмо19 вер гыч ойыраш лиеш.
Йошкар-Олаште рӱдӧ паркыште тӱзатыме пашам тӱҥалыныт. «Оласе йӧнан средам ыштымаш» федерал проект дене келшышын паркын кечывалвел-касвел ужашыжым шотышко кондат. Тушто спорт площадкым келыштарат, корнышко асфальтым шарат, теҥгыл да урно-влакым вераҥдат. Тачысе кечын подрядный организаций пашам тӱҥалын, тидлан кӧра, Пушкин урем могырышко тротуарыште жаплан кошташ чарыме. Ешарен кодаш лиеш, 12.gorodsreda.ru сайтыште 2022 ийыште тӱзатышаш кундем-влакым ойырат. Тачысе кечын рӱдӧ олаште илыше-влак гыч утларак еҥ Какшан сер, Прохоров уремыште йолешке-влакын коштмо верышт да Россий Армий тӱвыра полат воктенсе кумдыкым тӱзатыме верч шке йӱкшым пуэн. Проект дене келшышын 30 май марте йӱклымашке лукмо19 вер гыч ойыраш лиеш.
Республикыште 11 июнь марте «Трактор» профилактике операций эрта. Тудын жапыште кугыжаныш инженер-инспектор-влак ГИБДД пашаеҥ-шамыч дене пырля техосмотрым эртыме правилым шуктымым, тракторым виктараш права уло-укем, техникым кучылтмо шотышто документым тергат. Поснак кугу тӱткыш шошо агаште да автомобиль корным ачалымаште кучылталтше техникылан ойыралтеш. Регистрацийым эртыме да шке кудалыштше техникым кучылтмо правилым пудыртылшо-влакым административно мут кучаш шогалтат.
