14:29, 18-05-2021Республикыште 11 июнь марте «Трактор» профилактике операций эрта

Республикыште 11 июнь марте «Трактор» профилактике операций эрта. Тудын жапыште кугыжаныш инженер-инспектор-влак ГИБДД пашаеҥ-шамыч дене пырля техосмотрым эртыме правилым шуктымым, тракторым  виктараш права уло-укем,  техникым кучылтмо шотышто документым тергат.    Поснак кугу тӱткыш шошо агаште да автомобиль корным ачалымаште кучылталтше техникылан ойыралтеш. Регистрацийым эртыме да шке кудалыштше техникым кучылтмо правилым пудыртылшо-влакым административно мут кучаш шогалтат.