Марий Элыште шуматкечын частичный мобилизаций дене порысым шукташ кайыше эше тӱшкам ужатеныт. Нуным Ульяновский областьысе тунемме частьлашке колтеныт. Район да олала гыч пӧръеҥ-влакым «Арена Марий Эл» манежыште чумыреныт. Нунылан спальный мешакым, йолчиемым, рюкзак-влакым пуэныт, тыгак сухой паекым. Кодшо кечылаште Владимир Путин пресс-конференцийыште палдарен, частичный мобилизаций дене паша лишыл кок арня жапыште мучашлалтеш. Обороно министерствын планже дене 300 тӱжем еҥлан повесткым кучыктат, 220 тӱжем утла военный формированийыште улыт. Марий Эл гыч чылаже 1700 утла еҥ тидым радамышке ушнышаш, тышечын утларакше каеныт.
Комментариев: 0