Марий Эл Телерадио » Частичная мобилизация » Марий Эл, чумыр Россий дене пырля полышым чумыра

15:05, 10-11-2022Марий Эл, чумыр Россий дене пырля полышым чумыра

Марий Эл, чумыр Россий дене пырля Донецкий да Луганский Республике-влаклан, Запорожский да Херсонский областьлаште илыше да службым эртыше-влаклан полышым чумыра. Республикын кажне районыштыжо полыш кидым шуялташ ямде улыт. Калык фронт черетан гуманитар полышым колтен. Тидын радамыште кочкыш, вургем, канцеляр сату, вӱд, сарзыеҥ-влаклан кӱлешан арвер-влак. Чыла полышым еҥ-влак уло чон дене погат да кондат. Тудым социал учреждений-влакланат, тыгак Марий Эл дечын порысым шуктышо-влакланат намиен шуктат. Полыш тӱрлӧ, мӱкшызӧ-влак, мутлан, 60 килограмм наре мӱйым колтеныт. Ушештарена, калык фронтын «Все для Победы» проект дене мемнан республике гыч мобилизованный-влаклан полшаш регион кӱкшытан акцийым увертареныт. Сайт гоч кажныже кеч-мыняр оксам колтен кертеш. Погымо шийвундо дене республикын подшефный военный частьлашкыже сарзыеҥ-влаклан кӱлеш арверым налын колтат. 

Просмотров 452
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий