В Марий Эл завершено расследование уголовного дела в отношении бывшего директора телекомпании, 53-летнюю женщину обвиняют в растрате в особо крупном размере.
Марий Элысе спортшкол-влакым у инвентарь дене пойдареныт. «Спорт – илышын нормыжо» федерал проект дене келшышын республикылан ик миллион утла теҥге субсидийым ойыреныт. Комплексный да «Виктория» спорт школ-влаклан байдарке, гребной тренажер, моторный пушым, бинокольым, моло арверым налыныт. У экипировко республикыште шуаралтше спортсмен-влакын лектышыштым кугемден кертеш. Ушештарена, тений, нацпроект дене келшышын, У Торъялыште физкультур-спорт комплексм чоҥен шуктат, Волжскшто Спорт Полатым, Советский да Шернурышто ГТО нормативым сдатлаш изирак спорт площадкым ыштат.
Марий Элыште спортсмен-влакын физически ямде улмыштым тергаш аппарат-программе коплексым налыныт. Тиде комплекс йоча-влакын могай спортлан келшен толмыштым палаш полша. Тыгак автоматически тӱрлӧ упражнений да тест-влак эртымым тергаш йӧн уло. Тидын радамыште «ГТО» норматив сдатлымым терген кертыт. Аппаратно-программный комплексым Йошкар-Оласе Вӱд спорт полатыште вераҥденыт. Тестированийышке 6 гыч 12 ияш марте йоча-влак возалтын кертыт, тудо яра эрта. Ешартыш уверым сайтыште пален налын кертыда.
Йошкар-Олаште кеҥеж пагытлан ямдылалтыт. Тений официально йӱштылмо жап 1 июньышто почылтеш. Рӱдӧ олаште «Южный» пляжым почыт, тыгак вантовый кӱвар, Нолька ял лишне, Изи Какшаныште пуш-влакым айлаш пуымо вер воктене, «Динамо» стадион ваштареш, Пӱнчер отын шола могырыштыжо вӱд воктене канаш вер-влак лийыт. Моло вере йӱштылаш огеш лий. Мэрийыште палдарат: пытартыш 4 ий жапыште рӱдӧ оласе вӱд объектлаштыже 11 еҥ ӱмыр лугыч лийын, утларакше йӱштылаш келыштардыме верлаште.
«Воскресение» кычалше отрядын чолга еҥже-влак черетан экспедицийын иктешлымашыжым ыштеныт. Кок арня жапыште нуно вес регионласе кычалше отряд-влак дене пырля Йошкар Армийын 20 салтакшым муыныт. Лулеге пелен медальон-влакым верештыныт.
