В девяти авариях один человек погиб и 14 получили травмы.

37-летний мужчина осужден за причинение смерти по неосторожности и причинение тяжкого вреда здоровью.

Мобильные бригады помогают людям старшего возраста, проживающим в отдалённых населенных пунктах, добраться на профилактический осмотр или диспансеризацию. Помощь оказывается в рамках нацпроекта «Демография».

13 марта в 16.30 состоится прямой эфир Центра управления регионом с участием Евгения Маслова.

Калык ончыко лектын, чын кутырынет да аудиторийын тӱткышыжым налнет? Тугеже курсышко возалт. Лишыл жапыште «Калык ончылно чын кутыраш тунемына» курсын кокымшо тургымжо тӱҥалеш. Тудым ӱмашсе семынак В. Васильев лӱмеш марий шанче-шымлыше институтын пашаеҥже, филологий науко доктор, профессор Любовь Абукаева вӱда. Икымше тургым сай лектышым ончыктен, сандене курсын кокымшо тургымжым эртараш палемденыт.

 

Мыскара фестиваль уэш эн чолга-влакым вуча. «Кугарня» газет редакций «Воштылаш, товатат, сулык огыл!» йӱлаш пурышо мыскара фестиваль-конкурсым тений 29 гана эртара. Тудо 31-ше мартыште М. Шкетан лӱмеш кугыжаныш драме театрыште лиеш. Тиддеч ончыч Марий тӱвыра рӱдер да газет редакций районлаште ойырымо этапым эртарат: 22-шо мартыште Советский тӱвыра полатыште, 24-ше мартыште Волжский районысо Приволжский посёлкышто.

 

У Торъял районысо «Первый май» колхозышто у комплексым Тушнур ял воктене чоҥеныт. Тиде - кугу инфестиций проект. Комплексыште 504 вуй ушкалым кучаш тӱҥалыт, тыгак ушкалым лӱшташ блокым келыштарыме. Тиде объектым 2022 ий гыч чоҥеныт. Тушто 26 у паша вер ышталтын. Тений тиде комплексыште ыштыме пашам шуктемеке, идалык жапыште 22 тӱжем тонн шӧрым ыштен налшаш улыт. Марий Элын социал-экономике вияҥмаш программе дене келшышын, предприятийлан технике да оборудованийым налаш 13 миллион теҥге кугыжаныш полыш ойыралтын. Кум ий жапыште ты озанлык республикыште кокымшо кугу комплексым чоҥен.

 

Шочмын Ӱярня тӱҥалын. Тудо ик арня шуйна. Тиде жапыште икте-весе деке унала коштыт, мелнам кӱэштыт, курык гыч мунчалтат. Тидлан лӱмын кашта але йолкурыкым ыштат. Ӱярня арняште игечымат онченыт. Луман -урлыкым шийыме годым йӱран лиеш. Ӱярня кечын лум лиеш гын, шудо солмо годым ночко лиеш. Ӱярня шочмын лум лумеш гын, кияр шочеш. Кушкыжмын лумеш гын, шуко поҥго шочеш.

 

Козьмодемьянск олан кечыже ВДНХ-ште эртыше «Россия» лӱман форум-выставкыште эртен. Тиде ола турист-влакым т мо дене сымыстара, мо дене кугешна – тидын дене палдареныт. Кумда оҥай программе толшо-влакым сымыстарен. Палемдыман, тиде олам турист-влак поснак чот йӧратат. Тудо тоштер гай. ВДНХ гыч кондымо материалым ончалаш темлена.

 

Литературовед да краеведым шарнен. 100 ий ончыч 14 мартыште Ким Васин шочын. Курымаш лӱмгечыж вашеш ученый, тӱвыра, туныктыш, мер пашаеҥ, студент да литературоведын родо-тукымжо «Келшымашын мурызыжо» лӱман йыргешке ӱстелыш чумыргеныт да Ким Васинын сылнымут паша лектышыжым радамленыт.