Республикын рӱдӧ олаштыже сентябрь марте видоеэскерымаш системе дене 100 утла камерым вераҥдат. Тидын нерген мэрийыште вандализм да кундемым тӱзатыме шотышто правилым пудыртымылан пӧлеклалтше йыргешке ӱстел йыр мутланымаште каҥашеныт. Заседанийышке мэр Евгений Маслов ушнен. Палемденыт, Йошкар-Олаште тений оласе погым 15 гана локтылымаш лийын. Тидын годым 900 тӱжем теҥгелан эҥгек ышталтын. Национальный проект дене тӱзатыме объект-влаклан вандал-влак эҥгекым ыштат. Южо факт дене пудыртышо-влакым муыныт. Кызыт оласе кучем полиций пашаеҥ-влак дене пырля тӱшка верлаште рейд-влакым эртараш тӱҥалеш. Вандализмым профилактикыжлан Йошкар-Олаште 100 видеокамерым вераҥдат да кундемым тӱзатыме правил шукталтмым эскераш тӱҥалыт.
Комментариев: 0