Вес ийын Йошкар-Олаште икмыняр вере кундемым тӱзатат. Нунын радамыште Глезденев лӱмеш сквер. «Илымвер да оласе среда» нацпроектын «Йӧнан оласе среда» федерал проект дене вес ийын. Рӱдӧ паркын кечывалвел-касвел ужашым тӱзатышаш улыт. Тыгак индешымше микрорайонышто «Планета» ужалыше рӱдер шеҥгелне скверым ышташаш улыт. Тудлан Павел Глезденевын лӱмжым пуаш палемдыме, туштак Марий Элын 100 ийжылан монументым вераҥдат.
Тидын дене пырля рӱдолаште Ленинский проспектыште Первомайский гыч Рябинин урем марте йолешке-влакын коштмо верыштым, Суворов, Пролетарский уремлаште тротуар-влакым тӧрлышаш улыт. Тений «Йӧнан оласе средам ыштымаш» федерал проект дене Марий Элыште тӱшка верлан шотлалтше 61 объектым да 37 кудывечым тӧрленыт, шуко вере пашам мучашлыме.
Комментариев: 0