Похожие новости
Мы рекомендуем Вам зарегистрироваться либо войти на сайт под своим именем.
Волжск олан социал-экономике могырым вияҥмыже нерген совещанийыште мутланеныт. Тудым регион вуйлатыше Александр Евстифеев эртарен. Тӱҥ йодыш – у тунемме ийлан ямдылалташ. Волжскышто 6-шо номеран тошто школым 1 сентябрь марте тӧрлат, а кок ий гыч зданийын у оралтыжым ыштен шуктышаш улыт. Кызыт школым у тунемме ийлан ямдылат, пашаеҥ-влак негызым пеҥгыдемдат, август марте пашам мучашлышаш улыт. Школын у зданийжым чоҥымо нерген ойлаш гын, кызыт верым ойырат. Школышто 600 еҥ тунемеш, тудым Йошкар-Ола да Медведево поселкышто ыштыме школ проект дене чоҥаш палемдат. Тушто ончыкыжым 825 вер лиеш. Совещанийыште нӧлталме кокымшо йодыш – Волжскышто роддомым ыштымаш, тудым тений январьыште чоҥаш тӱҥалыныт, кызытсе жаплан чоҥышо-влак график дечын вараш кодыт, икымше пачашым нӧлтен шуктеныт. Регион вуйлатыше палемден: пашам график почеш шукташ манын, чоҥышо-влак лишыл жапыште утларак чолган тыршышаш улыт, тидлан ситыше шийвундо федерал да республикысе бюджет гыч ойыралтеш.
Комментариев: 0