Республикыште чыла школ шке омсажым почын. Регионышто образованийын инфраструктурыжым вияҥдыме паша кая. Кодшо ийын Йошкар-Ола да Волжскышто у школ-влак почылтыныт, тыгак Медведево поселкышто 825 верлан, Марий Турек район Сардаялыште 60 верлан школым чоҥат. Кугу тӱткыш тунеммме вер-влакым технике могырым пойдарымылан ойыралтеш, идалык мучаш марте 27 школым капитально тӧрлат, 57 школ да 5 техникумышко у компьютер оборудованийым налыт.
Марий Эл вуйлатыше Алексндр Евстифеев 1 сентябрьыште Волжскышто 6-шо номеран школышто лийын. Тиде школым республик вуйлатышын кӱштымашыже дене тӧрленыт, тыгак пищеблокым уэмденыт. Школ моткоч чот лунчыргышо лийын, тудын негызшым пеҥгыдемденыт. Тидлан республике правительствын резерв фондшо гыч 5 миллионат 500 тӱжем тенге ойыралтын. Пашам жапыштыже мучашлыме. Тений тиде школышко икымше классышке 75 икшыве толын. Июльышто тиде тунемме верыште лиймыже годым Александр Евстифеев палемден: ончыкыжым тиде школлан у зданийым чоҥышаш улыт, ты марте улшо оралтым капитально тӧрлат. У тунемме верым 2023 ий марте ыштен шукташ палемдат. Регион вуйлатыше пайрем линейкыште туныктышо, ача-ава, йоча-влакым саламлен. Тачысе кечын республикыште чыла учреждений эпидемий ваштареш йӧным эскерен пашам ышта. Тений тунемме идалык очно тӱҥалын. Лишыл жапыште Медведево поселкышто школым чоҥен шуктат, тыгак Йошкар-Олаште у тунемме верым ышташ тӱҥалыт. Александр Евстифеев Волжск оласе школлан у тунемме арверым налаш сертификатым кучыктен.
Комментариев: 0