2022 ийыште икымше йочалан ава капитал пел миллион утларак лиеш, индексаций дечын вара тудын кугытшо 503 тӱжем теҥгешке шуэш. Тидын нерген «ТАСС» увер агенствылан паша да социал аралтыш министр Антон Котяков увертарен. Икымше йочалан ача-ава-влак капиталым налын огытыл гын, кокымшо икшывылан 665 тӱжем теҥгем пуат. Ава капиталын индексацийже кажне ийын 2024 ий марте лиеш. Ушештарена, еш-влаклан тиде полышым 2007 ий гыч пуат, кодшо ий 1 январь гыч тудым икымше йочам ыштымекак пуаш тӱҥалыныт. Тений Марий Элыште икымше пелийыште 1927 еш ава капиталлан сертификатым налын.
Комментариев: 0