Марий Эл гыч спортсмен Артем Коровин россий сборный командын радамыштыже байдарке да каноэ гребле дене Тӱнямбал первенствын призержо лийын. Финал таҥасымаште мемнан землякна 24 ияш юниор-влак коклаште 500 метр дистанцийыште байдарке дене таҥасен, команде дене пырля кумшо верышке лектын. Артем олимпийский резерв комплексный спорт школын да спорт ямдылалтмаш рӱдерын спортсменже. Первенство Португалийыште эртен. Российын сборный командыже медальым сеҥыме дене кокымшо верыште: тышечын 9 шӧртньӧ, 4 ший, да 9 той медальым сеҥен.
Комментариев: 0