Кундемыштына 31 школышто шинчымашым погышо-влак «Билет в будущее» проектышке ушнат. Республикыште тидлан 13 площадке уло: Йошкар-Ола, Волжск, Козьмодемьянск, Оршанка да Медведево поселкылаште. Тунемше-влак 44 профессий дене шинчымашым утларак пален налын кертыт. Тидын годым нуно шкеныштым пашаште тергат, да ончыкылык профессийым ойырымаште куштылгылыкым шижын кертыт. «Ончыкылыкыш билет» проектыште республикыште наставник-влак икшыве-влаклан полшат. Нуно эн ончыч онлайн-диагностикым, тыгак профориентаций пашам эртарат, икшыве-влакым ончыкылык профессий дене палымым ыштат. Тиде проект Россий Президентын темлымашыже дене Российын чыла регионыштыжо эртаралтеш.
Комментариев: 0