Кодшо ийын республикыштына чодырам шолып руышо-влаклан кӧра 13 миллион утла теҥге эҥгек ышталтын. Марий Элыште 2021-ше ий мучко пушеҥгым шолыштмо дене кылдалтше 50 осал пашам регистрироватлыме. Тидыже 2020-шо ий деч 9 процентлан шагалрак. Тыгай осал пашам почмашат ешаралтын. 2020-шо ийыште 66% лийын гын, эртыше ийын 77% эртен. Эҥгекым пӧртылтымашат кушкын.
Ешерана, тений у Закон вийым налын. Тудын дене келшышын, мемнан элыште шергакан – иман да лышташан пушеҥге гыч пырня-влакым, вес эллашке колташ чарат. Тидын шотышто кӱштымашым Россий Президент Владимир Путин ыштен. У Законын тӱҥ шонымашыже – чодырам шолып руымашым шагалемдаш.
Комментариев: 0