28 июль – гепатит вашатареш кучедалме тӱнямбал кече. 2020 ийын икымше пелийыштыже Марий Элыште 12 еҥын гепатит вирус пеҥгыдемдалтын. Нунын кокла гыч 10 – А гепатит да 2 – С. Кодшо ий дене таҥастарымаште, тиде 9 утла процентлан шукырак, а пытартыш икмыняр ийым пырля ончалаш гын, 20%лан шагалрак. Ты чер дене Йошкар-Ола гыч 8 еҥ, Звенигово район гыч 3да Волжск ола гыч 1 еҥ эмганен. Тидын деч посна, январь гыч июнь тылзе марте республик мучко хронический вирус гепатит дене кылдалтше 36 случайым регистрироватлыме. Нунын кокла гыч В гепатит– 13 еҥын, тушечын 1 – 14 ияш деч изирак ийготан йочан. 23 еҥын хронический С - гепатит пеҥгыдемдалтын. Тиде, кодшо ий дене таҥастарымаште, 7 утла процентлан шагалрак да икмыняр ий дене таҥастарымаште 45% утлалан шагалрак. Тыгай случай эн шукыжо Йошкар-Олаште, Советский ден У Торъял районлаште вашлиялтыныт. Пиалеш, 2020 ийлан, Марий Элыште гепатит чер дене колышо-влак уке улыт.
Комментариев: 0