13:03, 9-07-2020Татьяна Токтарован у книгаже лектын

Шукерте огыл Татьяна Токтарован у книгаже лектын. «Уна улам тӱняште» поэзий сборник – авторын икымше мурпого пеледышыже. Тудо шочмо эл, ача-ава кундем, кызытсе жап, ты пагытын еҥже-влак, марий йÿла да моло темым авалта. Книгаште тыгак шуко верым йӧратымаш, пиал нерген шонкалымаш налыт. Самырык поэтессе Татьяна Токтарован (Япаеван) лӱмжӧ марий сылнымут аланыште мыняр-гынат палыме, почеламутшо-влак «Ончыко» журналыште да моло марий изданийлаште савыкталтыныт.