Погода в Йошкар-Ола:
Марий Эл Телерадио » Марий Эл Радио » «Воскресение» кычалше отрядын чолга еҥже-влак черетан экспедицийын иктешлымашыжым ыштеныт

16:25, 16-05-2022«Воскресение» кычалше отрядын чолга еҥже-влак черетан экспедицийын иктешлымашыжым ыштеныт

«Воскресение» кычалше отрядын чолга еҥже-влак черетан экспедицийын иктешлымашыжым ыштеныт. Кок арня жапыште нуно вес регионласе кычалше отряд-влак дене пырля Йошкар Армийын 20 салтакшым муыныт. Лулеге пелен медальон-влакым верештыныт. 10 гыч нылытшым лудын кертыныт, эше кокыт экспертизыште. Ик салтакын родо-тукымжым муыныт. Кычалше отряд-влаклан тыгай медальон-шамыч моткоч шергакан улыт. Кӧргыштӧ улшо лаштыклан кӧра салтакын лӱмжым, кушеч улмыжым да моло данныйым пален налаш лиеш. Кычалме да шымлыме паша Ленинград областьысе Виняголово урочище воктене эртен. Тушто 1942-шо ий апрельыште кучедалмаш лийын. Тудо 5 кече шуйнен. Тиде кундемыште кандашымше армийын 59-ше посна ече батальонжо тушман ваштареш шоген. Кугу Ачамланде сарын геройжо-влакым муаш да нуным кӱлеш семын, чап дене тояш – тидын верч кычалше отряд-влак уло чонышт дене тыршат. «Воскресение» отрядын боецше-шамыч экспедиций гыч  икмыняр экспонатым конденыт. Тиде быт арвер-влак, гильза да моло саркурал. Лишыл жапыште нуным эрыктат да калыклан аклаш луктыт.

Просмотров 374
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий

  • Кликните на изображение чтобы обновить код, если он неразборчив