Росгвардийын Марий Элысе кучемже закондымын саркуралым аралыше-влаклан ушештара: саркуралдам, патроным але пычалтарым шке кумылын конден пуэн кертыда. Идалык тӱҥалтыш гыч чылаже 6 тыгай саркуралым конденыт, тыгак 80 утла патроным намиеныт. Еҥ-влак ача-авашт але пелашышт деч кодшо, тыгак мумо саркуралым да пычалтарым Росгвардий пашаеҥ-влаклан пуэныт. Тидлан компенсацийымат налыныт. Ушештарена, саркуралым, тыгак патрон ден пычалтарым закондымын аралымылан уголов статья почеш мутым кучаш шогалтат. Тений июнь тылзыште пычалтарым йышт аралыше 50 ияш поръеҥым кученыт. Тудо пычалтарым эше 2002-шо ийыштак, чодыраште муын да шке мӧҥгыштыжӧ йышт арален. Ынде тудлан уголов статья почеш мутым кучаш логалеш.
Комментариев: 0