Юрий Зайцев Марий Элыште тоштемше пӧртла гыч еҥ-влакым кусарыме йодышым ончылгоч рашемдаш кӱштен. Илымвер коммунал озанлык министр Михаил Степанов правительствын оперативный совещанийыштыже палдарен: Машиностроитель-влак, Рябинин, Ленинский проспект да Сеҥымаш бульвар кумдыкышто 13 тошто пӧртым пужен рончат да шуко пачашан у пӧрт-влакым нӧлташ тӱҥалыт. «Театральный» микрорайонышто аварийный 4 пӧрт олмеш 6 у пӧртым ыштат. Соловьев, Пугачев, Тургенев, Павлов уремыште 9 пачашан пӧртым 3 тошто пӧрт олмышто чоҥышаш улыт. Регионысо программе дене келшышын, 2023 ий мучашлан республикыште 401 пӧртым пужат, тачысе кечын 3 тӱжем утла еҥым кусареныт. Программе дене келшышын, шуко пачеран 20 пӧртым ыштышаш улыт. Чоҥымаш министр палемден: илымвер шергештмылан кӧра, программым шуяш, ешарен 300 миллион теҥге кӱлеш. Регион вуйлатыше тиде йодышым рашемдаш сӧрен.
Комментариев: 0