Погода в Йошкар-Ола:
Марий Эл Телерадио » Марий Эл Радио » Марий Эл вуйлатыше Александр Евстифеев чоҥымаш, архитектур да илышкыл-коммунал озанлык министр Михаил Степанов дене вашлиймашым эртарен

21-07-2020, 14:24Марий Эл вуйлатыше Александр Евстифеев чоҥымаш, архитектур да илышкыл-коммунал озанлык министр Михаил Степанов дене вашлиймашым эртарен

Марий Эл вуйлатыше Александр Евстифеев – чоҥымаш, архитектур да илышкыл-коммунал озанлык министр Михаил Степанов дене вашлиймашым эртарен. Республик вуйлатыше ден министр еҥ-влакым илаш йӧрдымӧ пӧртла гыч кусарыме нерген, у пӧрт-влакым чоҥымо нерген мутланеныт. Ушештарена, мемнан республикыштына «Переселение граждан из аварийного жилищного фонда» лӱман программе пашам ышта. Тудын кышкарыште 2017 ий марте аварийныйлан шотлалтше 400 наре шуко пачеран пӧртым палемдыме. Программын икымше йыжыҥже почеш Йошкар-Оласе, тыгак Звенигово, Советский, Медведево районласе пӧрт-влакым кусарышаш улыт. Тачысе кече марте 234 еҥ у илыме пӧртлашке кусненыт. Тений тыгак программын кокмышо йыжыҥже тӱҥалын: тудын почеш Йошкар-Оласе, Волжск оласе да Советский районысо аварийный пӧртла гыч кусарышаш улыт. Кокымшо йыжыҥ кышкарыште тачысе кече марте 5 еҥым кусарен шуктымо, тыгак 51 ик пачерым налаш контрактым пеҥгыдемдыме манын палемден министр.

Просмотров 103
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий

  • Кликните на изображение чтобы обновить код, если он неразборчив