«Марий Чодра» национал парк «Экопарк ВӱдЛэнд» лӱман проект дене Российысе конкурсыш ушнен. «ВӱдЛэнд экопроект» тиде икмыняр ведомствын пырля ямдылыме проектше. Тудын дене келшышын, «Марий чодра» паркыште 5 зоно лийшаш. Экстремал туризм гыч тӱҥалын глэмпинг зоно марте. Тыште кажне турист шкаланже келшыше верым муын каналтен кертеш. Проект почеш пенгыдемдыме кластерын чумыр кумдыкшо 340 гектарыш шушаш. Кызыт конкурсын сайтыштыже калык йӱклымаш эрта. Регионлан кӱлешан да пайдале проектым калык шке ойырен кертеш. А июль мучаште эн сай 30 пашам палемдат. Нунын коклаште «Марий чодра» паркын «ВӱдЛэнд экопроектшат» лийын кертеш.
Комментариев: 0