Марий Эл Телерадио » Марий Эл Радио » ВУЗлашке тунемаш пураш шонышо ӱдыр ден рвезе-влак документым сдатлат

18:20, 27-07-2020ВУЗлашке тунемаш пураш шонышо ӱдыр ден рвезе-влак документым сдатлат

Иктешлыше кугыжаныш экзаменын тӱҥ йыжыҥже шенгелан кодын. Но август тӱҥалтыште эше резерв да ешартыш кече-влак лийыт. Тений ЕГЭ-м ВУЗлашке тунемаш пураш шонышо ӱдыр ден рвезе-влак гына кученыт. Кызыт нуно ойырен налме ВУЗлашке документым сдатлат. Тӱҥ шотышто электрон йӧн дене. Тений Марий Элыште приемный кампаний молгунамсе семынак июньын кокымшо пелыштыже тӱҥалын. А теве бюджет верын чотышт кажне ВУЗышто тӧрлӧ. Опорный ВУЗышто тудо ӱмашсе гаяк кодын, а техническийыште - тиде чот тӱжемат пелыш шуэш. Тачысе кечылан чыла экзаменын результатше пале огыл, сандене йодмашат шагалрак пурен. Но лишыл жапыште тиде чот икмыняр пачаш ешаралтшаш. Келшыкым, вес семынже «согласийым» тений ик ВУЗышко да ик направлений дене гына пуаш лиеш. Тудо кызыт документын оригиналжым алмашта. Согласийым кок гана, документым икымше да кокымшо толкыныш пуымо годым посна возыман. Ты документ деч посна паспорт, аттестат да йодмашым сканироватлен колтыман. МарКУ-што документым электрон йӧн денат, ожнысо семынат пуаш лиеш гын, технический ВУЗышто тудым онлайн форматыште гына ышташ лиеш. 

Просмотров 498
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий