Похожие новости
Мы рекомендуем Вам зарегистрироваться либо войти на сайт под своим именем.
Марий Элыште йӱклымаш кечын 503 участке пашам ыштен. Тений чыла участкым Россий да Марий Элын гимнжым йоҥгалтарыме дене тӱҥалыныт. Йошкар-Оласе ик участкыште шуко йӱкан йоча хор мурен.
Сайлымашке еҥ-влак ешге толыныт. Тыге самырык-влакымат шке граждан порысым шукташ кумылаҥдыме йӱла шижалтын. А республикыште тений икымше гана сайлыше-влак радамыште 6581 самырык еҥ лийын.
Тазалык дене эмганыше-влакат йӱклымашке ушненыт. Брайль системе дене лудшо-влаклан, инвалид коляске дене толшо-влакланат чылажат йӱклаш келыштаралтын. Участкылаште видеоэскерымаш системе, тыгак Йошкар-Оласе 80 утла участкыште бюллетень-влакым обрабатыватлыше комплекс-влак лийыныт.
Йӱклымашын эртаралтмыжым 593 эскерыше аклен: 480 регионысо общественный палате, 67 еҥ кандидат-влак дечын, 46 еҥ политический партий-влак дечын лийыныт. Республикыште йӱклымашын эртымыжым эскерыше ситуационный рӱдер пашам ыштен.
Регион вуйлатышым сайлымаште ныл кандидат лийын. Прописке почеш кажныже йӱклымашке ушнен, тыгак йӱклымаш эртаралтмым тӱрлӧ участкыште аклен.
Комментариев: 0