Марий Элыште илыше самырык-влак «Волга-IT20» лӱман цифр олимпиадыште шкенжым терген кертыт. 13 сентябрь марте онлайн йӧн дене тудын ойырымо этапше эрташ тӱҥалеш. Ты мероприятийыш Российын тӱрлӧ верлаж гыч школышто тунемше да студент-влак ушнен кертыт. Тидын дене нуно информаций технологий аланыште шке уш-акылыштым тергат, тыгак тӱнямбал кӱкшытан IT-компанийыш пашаш пураш йӧн лектеш. Тидын деч посна нуным шергакан пӧлек-влак вучат. «Волга – IT20» олимпиаде 2006 ий гыч эртаралташ тӱҥалын. Самырык ӱдыр-рвезе-влак, 14 гыч 23 ияш марте, шкем тӱрлӧ аланыште терген кертыт, нунын кокла гыч: Веб-дизайн, веб-страницын верстко, интернет программированийым палемдаш лиеш.
Онлайн йӧн дене 150 эн сай пашам ойырен налыт. Тудо Ульяновск олаште 8 гыч 11 октябрь марте эрташ тӱҥалеш. Организатор-влакын палдарымышт почеш, тиде мероприятийыште ятыр мастарлык-класс да экскурсий эртаралтыт. Экспертлан IT-ште тыршыше пашаеҥ-влакым ойыреныт. Нуно самырык-влакын пашаштым аклаш тӱҥалыт.
Комментариев: 0