Марий Элыште класс вуйлатыше-влакын ассоциацийыштым ышташ. Тыгай темлымаш дене Российысе форумышко ушнышо класс вуйлатыше-влак лектыныт. Марий Эл гыч 8 педагог шукерте огыл класс вуйлатыше-влакын российысе форумыштыжо лийын. Тушко миен коштмо нерген нуно туныктыш министрын пашажым шуктышо Лариса Ревуцкая дене йыргешке ӱстел йыр каҥашеныт. Российысе конкурс вашеш педагог-влак ойырымо этапым эртеныт. Форумышто кугу тӱткыш патриот воспитанийлан, историйым, военный дело предмет-влакым туныктымо, юнармейский да кычалме пашашке ушнымашлан ойыреныт. У ассоциаций республикыште класс вуйлатыше-влакын улшо йодыш-влакым пырля каҥашаш да рашемдаш полшышаш.
Комментариев: 0