Похожие новости
Мы рекомендуем Вам зарегистрироваться либо войти на сайт под своим именем.
Марий Эл гыч кугу делегаций Ульяновск кундемыш миен коштын. Ты делегацийым Юрий Зайцев вуйлатен. Ульяновскышто экономик, тӱвыра, спорт да самырык-влак паша шотышто ятыр вашкелшыкым пеҥгдемденыт. 13 йӧндартыш предприятий шке сатужо нерген палдарен. Ынде Ульяновск кундемыш Марий Эл гыч респиратор, поролон, пу модыш, искусственный коваште да тулеч моло сату-влак каяш тӱҥалыт. А Ульяновскысо металл конструкций рӱдер Марий Элыш корным чоҥашлан шке сатужо-влакым темлен. Тыгак кок регион коклаште туризмым вияҥдыме, микроэлектроникыште да машина чоҥымаште пырля тыршыме нерген кутырен келшеныт. Ульяновск областьын губернаторжо Алексеей Русских тыгай вашкылын кӱлешлыкше нерген тыге палемден: «Субъект-влак кокласе кыл тӱрлӧ виктышым вияҥдаш полша. Мутлан, бизнес-партнёр-влакым муаш да шке йӧндартышым кумдаҥдаш». Юрий Викторовичат кок регионын тыгай пеҥгыде кылым ыштымылан шке акшым пуэн: «У вашкелшык-влак экономикынам вияҥдаш, икте-весылан полшен илаш моткоч сай йӧным пуат».
Комментариев: 0