19:13, 18-08-2020Республикыште ик суткаште 17 еҥын лабораторно коронавирус пеҥгыдемдалтын

Республикыште ик суткаште 17 еҥын лабораторно коронавирус пеҥгыдемдалтын, инфицированный еҥ-влакын чотышт 4 тӱжемым эртен. Пандемий жапыште республикыште 36 еҥ ӱмыр лугыч лийын гын, 85 % эмлалтыныт. Медик-влак транспорт да тӱшка верлаште маскым чияш кӱлмӧ шотышто ушештарат. 6 сентябрь марте республикыште посна ямде улмо шотышто режим умбакыже шуйна. Инфекционный стационарлаште коронавирус да тудын лийын кертме лӱдыкшӧ дене 280 еҥ эмлалтеш.