Марий Элыште тений пел ий жапыште промышленный производство куат 12 процент нарылан кушкын. Тидын нерген республике правительствын заседанийыштыже ойленыт. Предприятий-влак промышленный продукцийым 113 миллиард теҥгелан ыштен луктыныт: нефтепродукт, электрон да оптический изделийым, коваште гыч сатум, автотранспортлан прицепым, химический продукцийым шукырак ыштеныт. Экономике вияҥмаш министерствын уверже дене келшышын, шӧр сатум, кодшо ийысе тыгаяк пагыт дене таҥастарымаште, 10 процентлан шукырак луктыныт. Заседанийыште нацпроектым илышышке пуртымо йодышымат каҥашеныт: республикыште 36 объектым капитально тӧрлат, 25 объектым тений ыштен шуктышаш улыт. Туныктыш министр палемден, у тунемме ий вашеш 13 школым капитально тӧрленыт, чыла паша жапыштыже мучашлалтын. Кызыт коммунал объект-влакын олтымо жаплан ямде улмыштым тергат. Кызыт 467 котельный ямде, тиде ‒ план дечын 92 процент.
Комментариев: 0